पिंपरी, दि. २७ (Pimpri chinchwad crime) – निगडीतील प्राधिकरण परिसरात कन्स्ट्रक्शन साइटवर काम करणाऱ्या वॉचमनवर घरासाठी पत्रे देण्यास नकार दिला. या रागातून आरोपीने दगडाने हल्ला करीत दोघांना जखमी केले. ही घटना बुधवारी (दि. २५ मार्च) रोजी रात्री साडेआठ वाजताच्या सुमारास घडली.
सागर गोविंद साळवे (वय ३२, रा. प्राधिकरण परिसर, निगडी) असे गुन्हा दाखल झालेल्या आरोपीचे नाव आहे.
या प्रकरणी अशोक सुभाष मुजमुले (वय २२, रा. निगडी) यांनी गुरुवारी (दि. २६) याबाबत निगडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपीने फिर्यादीकडे घरासाठी पत्रे मागितले होते. मात्र फिर्यादी यांनी त्यास पत्रे देण्यास नकार दिला.
यामुळे संतापलेल्या आरोपीने शिवीगाळ करत दगडाने फिर्यादी व त्यांचे आजोबा बाळासाहेब मुजमुले (वय ६०) यांच्या डोक्यात मारहाण करून जखमी केले. या प्रकरणाचा तपास निगडी पोलीस करत आहेत.
