पिंपरी, दि. १९ (प्रतिनिधी) – आळंदी येथील इंद्रायणी नदीवरील स्कायवॉकखाली वेश्याव्यवसायाच्या उद्देशाने ग्राहकांना आकर्षित करणाऱ्या एका महिलेवर पोलिसांनी गुन्हा दाखल केला. ही कारवाई शनिवारी (दि. १८ एप्रिल) रोजी करण्यात आली.
याप्रकरणी महिला पोलीस हवालदार नम्रता सुरेश लांडगे यांनी आळंदी पोलीस ठाण्यात शनिवारी (दि. १८ एप्रिल) रोजी फिर्याद दिली आहे. पोलिसांनी संबंधित महिलेच्या विरोधात गुन्हा दाखल केला आहे. पोलिसांनी दिलेल्या माहितीनुसार, इंद्रायणी नदीच्या स्कायवॉकखाली शनिवारी सायंकाळी पावणे पाच वाजताच्या सुमारास आरोपी महिला वेश्याव्यवसाय करण्याच्या उद्देशाने लैंगिक हावभाव करून सार्वजनिक ठिकाणी येणाऱ्या-जाणाऱ्या लोकांना अडथळा निर्माण करत होती. यामुळे सार्वजनिक शिष्टाचाराचा भंग झाल्याप्रकरणी अनैतिक व्यापार प्रतिबंधक कायद्यानुसार गुन्हा दाखल करण्यात आला आहे. या प्रकरणाचा पुढील तपास आळंदी पोलीस ठाण्यातील उपनिरीक्षक पवार करत आहेत.
