पिंपरी, दि. ९ (प्रतिनिधी) – पिंपरीतील सार्वजनिक रस्त्यावर येणाऱ्या-जाणाऱ्या नागरिकांना अडथळा निर्माण करून अश्लील हावभाव करणाऱ्या एका महिलेवर अनैतिक मानवी वाहतूक प्रतिबंधक कक्षाने शुक्रवारी (दि. ८ मे) रोजी सायंकाळी साडेपाच वाजताच्या सुमारास कारवाई केली आहे.
या प्रकरणी एका महिलेवर ‘अनैतिक व्यापारास प्रतिबंध अधिनियम’ अंतर्गत गुन्हा दाखल करण्यात आला आहे. अनैतिक मानवी वाहतूक प्रतिबंधक कक्षातील पोलीस हवालदार उदयकुमार भोसले यांनी शुक्रवारी (दि. ८ मे) रोजी याप्रकरणी पिंपरी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, ८ मे रोजी सायंकाळी ५:३० च्या सुमारास आंबेडकर पुतळा चौक ते शगुन चौक दरम्यान असलेल्या सिटी प्लाझा लॉजसमोरील सार्वजनिक रस्त्यावर ही महिला वेश्याव्यवसायाच्या उद्देशाने अश्लील अंगविक्षेप करून सार्वजनिक सभ्यतेचा भंग करत असल्याचे निदर्शनास आले. पिंपरी पोलीस या प्रकरणाचा तपास करत आहेत.
पिंपरीत सार्वजनिक ठिकाणी अश्लील चाळे करणाऱ्या महिलेवर कारवाई
