पुणे : केंद्रीय मंत्री मुरलीधर मोहोळ यांना पितृशोक झाला असून त्यांच्या वडिलांचे, पैलवान किसनराव मोहोळ यांचे निधन झाले आहे. त्यांच्या निधनामुळे मोहोळ कुटुंबावर शोककळा पसरली आहे.
किसनराव मोहोळ हे एकेकाळी कुस्तीच्या आखाड्यात आपल्या ताकदी आणि कौशल्यामुळे प्रसिद्ध होते. स्थानिक कुस्ती क्षेत्रात त्यांचे मोठे नाव होते. त्यांच्या निधनामुळे क्रीडा क्षेत्रासह परिसरातही हळहळ व्यक्त केली जात आहे.
दरम्यान, त्यांच्या पार्थिवावर पुण्यात अंत्यसंस्कार होणार असल्याची माहिती मिळत असून विविध राजकीय आणि सामाजिक क्षेत्रातील मान्यवरांनी शोक व्यक्त केला आहे.
