ईद-उल-अजहा अर्थात बकरी ईद निमित्त देहूरोड येथील ईदगाह मैदानात हजारो मुस्लिम बांधवांनी एकत्र येत सामुदायिक नमाज पठण केले. फजर च्या नमाज पासूनच नमाजीयांनी मोठ्या संख्येने मैदानात उपस्थिती लावली होती.
मौलाना नूर शहा कादरी यांच्या नेतृत्वाखाली मुस्लिम बांधवांनी ईदची नमाज अदा केली. धार्मिक वातावरणात पार पडलेल्या या नमाज पठणानंतर उपस्थितांनी एकमेकांना ईदच्या शुभेच्छा देत बंधुभाव, शांतता आणि ऐक्याचा संदेश दिला.
ईदच्या पार्श्वभूमीवर देहूरोड परिसरात पोलिस प्रशासनाकडून चोख बंदोबस्त ठेवण्यात आला होता.
