पिंपरी, दि. २४ (प्रतिनिधी) – भोसरी येथील शिवशंभो कॉलनीमध्ये २२ जून रोजी रात्री नऊच्या सुमारास वीज कनेक्शन कापल्याच्या आणि खोली रिकामी करण्याच्या वादातून एका तरुणावर दगड व काठीने जीवघेणा हल्ला करण्यात आला.
अजय चव्हाण (वय २४) व विजय चव्हाण (वय २२, दोन्ही रा. भोसरी) अशी गुन्हा दाखल केलेल्या आरोपीचंी नावे आहेत. विशाल परमेश्वर सुर्वे (वय २२, रा. गंधर्वनगरी, मोशी) यांनी फिर्याद दिली आहे. पोलिसांनी दिलेल्या माहितीनुसार, आरोपी रूम खाली करत नसल्याने फिर्यादीने लाईट कट केली होती. ती आरोपींनी पुन्हा जोडल्याचा जाब विचारण्यास गेलेल्या फिर्यादी व त्यांच्या भावाला आरोपींनी लाथाबुक्क्यांनी मारहाण करत डोक्यात दगड मारून गंभीर जखमी केले. पुढील तपास भोसरी पोलीस करीत आहेत.
खोली रिकामी करण्याच्या वादातून तरुणावर जीवघेणा हल्ला
