मुंबईत सुरू असलेल्या मुसळधार पावसामुळे अनेक ठिकाणी पाणी साचल्याचे चित्र असताना, मिटी नदी परिसरालगत असलेल्या मुंबई विमानतळावर विमानसेवा सुरळीत सुरू असल्याचे पाहायला मिळाले. धावपट्टीवर एक विमान उड्डाणासाठी सज्ज असल्याचे दृश्य समोर आले आहे.
सततच्या पावसातही विमानतळ प्रशासन, हवाई वाहतूक नियंत्रण यंत्रणा आणि संबंधित विभाग हवामानाच्या परिस्थितीवर सातत्याने लक्ष ठेवून आहेत. आवश्यक त्या सुरक्षिततेच्या निकषांचे पालन करत विमानांचे उड्डाण आणि लँडिंग सुरू असून, परिस्थितीनुसार निर्णय घेतले जात असल्याची माहिती आहे.
दरम्यान, मुंबईत मुसळधार पावसामुळे काही भागांत वाहतूक आणि जनजीवनावर परिणाम झाला असला, तरी विमानतळावरील कामकाज सुरू असल्याचे या दृश्यातून स्पष्ट झाले.
