पिंपरी, दि. 26 (प्रतिनिधी) – एका सोसायटीच्या बाहेर पार्क केलेली दुचाकी अज्ञात चोरट्याने चोरून नेली. ही घटना 24 जुलै रात्री 10.00 ते 25 जुलै सकाळी 10.00 वाजण्याच्या दरम्यान पिंपरी येथील अजमेरा परिसरातील जर्मन बेकरीच्या समोर घडली.
या प्रकरणी अज्ञात चोरट्याविरुद्ध गुन्हा दाखल करण्यात आला आहे. अकील निजामुद्दीन अन्सारी (वय 31, रा. वास्तू उद्योग सोसायटी, अजमेरा, पिंपरी) यांनी तक्रार नोंदवली आहे. पोलिसांनी दिलेल्या माहितीनुसार, फिर्यादी यांनी त्यांची 10 हजार रुपये किमतीची काळ्या-निळ्या रंगाची मोटारसायकल सोसायटीच्या समोर पार्क केली होती. अज्ञात चोरट्याने ही गाडी चोरून नेली आहे. पुढील तपास संत तुकारामनगर पोलीस करत आहेत.
