गाडी घासल्याच्या कारणावरून कंटेनर चालकाला मारहाण

पिंपरी, दि. १ (प्रतिनिधी) – गाडी घासल्याच्या कारणावरून चार जणांनी मिळून एका कंटेनर चालकाला मारहाण केली. ही घटना रविवारी (दि. ३१ मे) रोजी दुपारी साडेतीन वाजताच्या सुमारास पुणे नाशिक महामार्गावर चाकण परिसरात घडली.
गोविंदसिंग भारतसिंग ठाकूर (वय २१, रा. उत्तर प्रदेश) असे मारहाण झालेल्या चालकाचे नाव आहे. त्यांनी याप्रकरणी रविवारी (दि. ३१ मे) रोजी दक्षिण चाकण पोलीस ठाण्यात फिर्याद दिली आहे. त्यानुसार शब्बीर हमीद सय्यद (वय 27), गणेश रमेश खंदारे (वय २५, रा. चाकण), लखन आडप्पा आळगुडे (वय २७, रा. मोशी), कार्तिक शिवाजी पवार (वय १८, रा. करंदी, ता. शिरूर, जि. पुणे) यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी ठाकूर हे कंटेनर चालक आहेत. त्यांचा कंटेनर आरोपींच्या वाहनाला घासला. या कारणावरून आरोपींनी ठाकूर यांचा कंटेनर अडवला. त्यांच्या कंटेनरची तोडफोड करून त्यांना बेदम मारहाण केली. दक्षिण चाकण पोलीस याबाबत अधिक तपास करीत आहेत.