मुंबई(mumbai) : माजी आमदार नरेंद्र अण्णासाहेब पाटील यांनी उपस्थित केलेल्या ‘महाराष्ट्र देवता, संत, राष्ट्रपुरुष, धर्मग्रंथ यांच्या विडंबनावर नियंत्रण अधिनियम २०१८’ या अशासकीय विधेयकातील विषयावर राज्यात बैठक घेण्यात आली. या बैठकीत संबंधित विभागांच्या अधिकाऱ्यांना आवश्यक दिशा-निर्देश देण्यात आले.
बैठकीत राज्यातील विद्यमान कायदे तसेच केंद्र सरकारचे संबंधित कायदे यांचा सविस्तर अभ्यास करण्याच्या सूचना देण्यात आल्या. तसेच या विषयाशी संबंधित कायद्यात सुधारणा किंवा नवीन कलमे समाविष्ट करण्याची आवश्यकता असल्यास राज्याच्या गृहविभागाने हा मुद्दा विधी व न्याय विभागाकडे पाठवावा, असेही सांगण्यात आले.
पुढील टप्प्यात विधी व न्याय विभागाने केंद्र सरकारकडे आवश्यक प्रस्ताव पाठवून समन्वय साधावा, असे निर्देश देण्यात आले. या प्रक्रियेमुळे कायदेशीर चौकटीत स्पष्टता आणण्याचा आणि विविध स्तरांवरील समन्वय मजबूत करण्याचा प्रयत्न केला जाणार आहे.
