पिंपरी, दि. २७ (प्रतिनिधी) – एका स्पामध्ये सुरू असलेल्या वेश्याव्यवसायाचा पर्दाफाश करून पोलिसांनी तिघा महिलांची सुटका केली. ही कारवाई सोमवारी (दि. २५ मे) रोजी रात्री दहा वाजताच्या सुमारास रहाटणी येथील काळेवाडी-रहाटणी रोडवरील ‘सुविधा स्पा’वर करण्यात आली.
अजित गोरक घोळप (वय ३७, रा. आदर्शनगर, हिंजवडी. मूळगाव नागेश्वरनगर, फलटण, सातारा) याला अटक करण्यात आली आहे. याप्रकरणी अनैतिक मानवी वाहतूक प्रतिबंधक कक्षातील पोलीस हवालदार संतोष सुर्यकांत म्हस्के (वय ४३) यांनी काळेवाडी पोलीस ठाण्यात फिर्याद दिली आहे. आरोपी हा ‘सुविधा स्पा’च्या नावाखाली ३ पीडित महिलांना पैशांचे आमिष दाखवून वेश्याव्यवसाय करण्यास भाग पाडत होता. या प्रकरणाचा पुढील तपास पोलीस उपनिरीक्षक मेटे करीत आहेत.
