पॅरिस(paris) : स्लोव्हाकियाचे राष्ट्राध्यक्ष पिटर पेलेग्रिनी यांनी पंतप्रधान नरेंद्र मोदी यांना देशाचा प्रतिष्ठित ‘Order of the White Double Cross (1st Class)’ हा सन्मान प्रदान केला.
हा सन्मान दोन्ही देशांमधील संबंध दृढ करण्यासाठी आणि आंतरराष्ट्रीय स्तरावर भारताच्या भूमिकेची दखल घेत दिला गेला आहे. या प्रसंगी पंतप्रधान मोदी यांनी हा सन्मान 140 कोटी भारतीय नागरिकांना समर्पित केला.
पंतप्रधानांनी भारत आणि स्लोव्हाकिया यांच्यातील मैत्रीपूर्ण संबंध अधिक मजबूत करण्यावर भर दिला. तसेच विविध क्षेत्रांतील सहकार्य वाढवण्याच्या संधींवरही दोन्ही बाजूंनी सकारात्मक चर्चा झाल्याचे सांगण्यात आले.
हा सन्मान भारताच्या वाढत्या जागतिक स्थानाचे आणि आंतरराष्ट्रीय स्तरावर मिळणाऱ्या मान्यतेचे प्रतीक मानला जात आहे.
