पिंपरी, दि. २६ (प्रतिनिधी) – संपूर्ण पुणे जिल्ह्यातून तडीपार करण्यात आलेल्या एका तडीपार गुंडाला कोयत्यासह अटक करण्यात आली. ही कारवाई हिंदुस्थान अँटीबायोटिक कंपनीच्या मैदानात सोमवारी (दि. २५ मे) रोजी रात्री पावणेआठ वाजताच्या सुमारास करण्यात आली.
दिनेश गोरख माने (वय ३१, रा. विटकर चाळ, नेहरुनगर, पिंपरी) असे अटक करण्यात आलेल्या तडीपार गुंडाचे नाव आहे. पोलीस शिपाई भागवत गायकवाड यांनी संत तुकारामनगर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आरोपीला दोन वर्षांसाठी तडीपार करण्यात आले होते. तरीही त्याने कोणतीही परवानगी न घेता शहरात प्रवेश केला. सध्या शहरात घातक शस्त्र बाळगण्यास बंदी असतानाही आरोपीकडे लोखंडी कोयता आढळला. पुढील तपास संत तुकारामनगर पोलीस ठाण्यातील पोलीस हवालदार आसवले करीत आहेत.
तडीपार गुंडाला कोयत्यासह अटक
