कोयता बाळगणारा तरुण पोलिसांच्या जाळ्यात

पिंपरी, दि. 28 (प्रतिनिधी) – भोसरी येथील दिघी रोडवर पोलिसांनी मध्यरात्री एका 19 वर्षीय तरुणाला घातक शस्त्र बाळगल्याप्रकरणी अटक केली आहे. ही कारवाई बुधवारी (दि. 27 मे) रोजी दपारी एक वाजताच्या सुमारास करण्यात आली आहे.
क्रिश सुरेंद्र सिंग (वय 19, रा. गणेशनगर, बोपखेल) याला अटक केली आहे. याप्रकरणी भोसरी पोलीस ठाण्यातील पोलीस शिपाई वैभव पुरुषोत्तम वाटकर (वय 29 वर्षे) यांनी फिर्याद दिली आहे. पोलिसांनी दिलेल्या माहितीनुसार, भोसरी येथील सॅण्डवीक कॉलनी, हरी ओम सोसायटीसमोरील रस्त्यावर आरोपी क्रिश सिंग हा संशयास्पद रितीने वावरताना आढळला. त्याची झडती घेतली असता त्याच्याकडे विनापरवाना कोयता मिळून आला. पिंपरी चिंचवडच्या पोलीस आयुक्तांनी शहरात घातक शस्त्रे बाळगण्यास मनाई आदेश असतानाही, आरोपीने या आदेशाचे उल्लंघन केल्याचे समोर आले आहे. या प्रकरणाचा पुढील तपास भोसरी पोलीस ठाण्यातील पोलीस हवालदार काळे करीत आहेत.