pune-भीमाशंकर मंदिर १५ जून २०२६ पासून दर्शनासाठी खुले, प्रभारी जिल्हाधिकारी गजानन पाटील यांची माहिती, भाविकांमध्ये आनंदाचे वातावरण

(pune)-भीमाशंकर मंदिर १५ जून २०२६ पासून दर्शनासाठी खुले, प्रभारी जिल्हाधिकारी गजानन पाटील यांची माहिती, भाविकांमध्ये आनंदाचे वातावरण.

बारा ज्योतिर्लिंगांपैकी सहावे स्थान असलेले महाराष्ट्रातील श्री क्षेत्र भीमाशंकर येथील मंदिर हे नवीन सभामंडप,तसेच पायरी मार्गाच्या कामासाठी दिनांक ०९जानेवारी २०२६ पासून बंद ठेवण्याचा निर्णय मंदिर देवस्थान ट्रस्ट ने घेतला होता, सदर बंद कालावधीस ३१ में पर्यंत मुदतवाढ देण्यात आली होती त्यामुळे भाविकांना तब्बल पाच महिने दर्शना पासून वंचित रहावे लागले होते.परंतु आता १५ जून पासून मंदिर दर्शना साठी खुले होणार असल्याने भाविकांमध्ये आनंदाचे वातावरण आहे.

२०२७ मध्ये नाशिक येथे होणाऱ्या सिंहस्थ कुंभ मेळ्याच्या पार्श्वभूमीवर भीमाशंकर येथे हि दर्शनासाठी मोठ्या संख्येने भाविक येण्याची शक्यता असल्याने भाविकांसाठी आवश्यक सुविधा उभारणीची कामे सध्या प्रगतीपथावर आहेत.मुख्य मंदिरासमोरील सभामंडपाचे काम पूर्ण करण्यासाठी साधारणतः एक वर्षाचा कालावधी अपेक्षित होता परंतु भीमाशंकर संस्थान,स्थानिक ग्रामस्थ,आणि भाविकांचे सहकार्य तसेच रात्रंदिवस अखंड काम सुरू ठेवल्याने केवळ पाच महिन्यात काम पूर्ण करण्यात आल्याचे मंदिर प्रशासना कडून सांगण्यात आले.

मुख्य मंडपाचे काम ३१ मे २०२६ पर्यंत पूर्ण होणार असून दर्शनबारी उभारणी,परिसर स्वच्छता,भाविकांसाठी सुविधा, तसेच गर्दी व्यवस्थापनासाठी आवश्यक असलेली कामे १५ जून पर्यंत पूर्ण होणे अपेक्षित आहे,सर्व कामे अंतिम टप्प्यात असून,उर्वरित किरकोळ कामे लवकरात लवकर पूर्ण करून, बांधकाम साहित्य ,दगड व यंत्रसामग्री हटवून परीसर भाविकांसाठी मोकळा करण्याच्या दृष्टीने मंदिर सुरू करण्याची तारीख १५ जून निश्चित करण्यात आली असून दि ५ जून पासून दर्शनासाठी ऑनलाईन नोंदणी प्रक्रिया उपलब्ध राहील त्यानुसार १५ ते ३० जून २०२६ या कालावधीत मंदिर रोज सकाळी ७.०० ते ११.०० वाजेपर्यंत दर्शनासाठी खुले राहील अशी माहिती प्रभारी जिल्हाधिकारी गजानन पाटील यांनी दिली आहे