पिंपरी, दि. १८ (प्रतिनिधी) – दुकानसमोर गाडी उभी करण्यास मज्जाव केल्याने चिडलेल्या टोळक्याने किराणा दुकानदाराला आणि त्यांच्या भावाला मारहाण केली. ही घटना रविवारी (दि. १७ मे) रोजी दुपारी तीन वाजण्याच्या सुमारास आळंदी जवळील केळगाव येथे घडली.
सोमनाथ हनुमंत मुंगसे (वय ४८, रा. केळगाव, आळंदी, ता. खेड, जि. पुणे) यांनी रविवारी (दि. १७ मे) आळंदी पोलीस ठाण्यात फिर्याद दिली आहे. त्यानुसार अक्षय श्रीरंग भोसले (वय २३, रा. कात्रज, पुणे), विकास शांताराम पवार (वय २५, रा. वेल्हा, जि. पुणे), उमेश भीमराव जाधव (वय २५, रा. आंबेपठार), सुरज नरेश पवार (वय २१, रा. हवेली), सिद्धेश लक्ष्मण चोरगे (वय २०, रा. वेल्हा), जीवन शिवाजी पवार (वय २४, रा. राजगड), नरेश कोंडिबा पवार (वय ५५, रा. राजगड), शांताराम कोंडिबा पवार (वय ५७, रा. राजगड) आणि प्रकाश शांताराम पवार (वय २९, रा. राजगड) अशा नऊ जणांना अटक करण्यात आली आहे.
पोलिसांनी दिलेल्या माहितीनुसार, रविवारी दुपारी तीन वाजताच्या सुमारास फिर्यादी मंगुसेआपल्या दुकानासमोर गाडी पार्क करू नका असे सांगत असताना आरोपींनी त्यांना शिवीगाळ करत मारहाण केली. फिर्यादीचा भाऊ अजय हा मध्यस्थी करण्यासाठी आला असता, आरोपींनी त्याच्या डोक्यात प्लास्टिक पाइपने मारून त्याला जखमी केले. आळंदी पोलीस याबाबत अधिक तपास करत आहेत.
