पिंपरी, दि. १८ (प्रतिनिधी) – कामावर जात असलेल्या एका तरुणाच्या दुचाकीवर बळजबरीने बसून त्याला दुचाकीवरून उतरण्यास सांगणाऱ्यावर चावीने डोळ्यावर वार करून जखमी केले. ही घटना ही घटना लक्ष्मी चौक, हिंजवडी येथे शुक्रवारी (दि. १७ एप्रिल) रोजी सायंकाळी साडेपाच वाजताच्या सुमारास सिग्नलवर घडली.
देव राजेश आरोरा (रा. आकुर्डी, पुणे) असे गुन्हा दाखल करण्यात आलेल्या आरोपीचे नाव आहे. संदीप जगन्नाथ धर्मक (वय ३४, रा. काळेवाडी, पुणे) असे जखमी तरुणाचे नाव असून त्यांनी शुक्रवारी (दि. १७ एप्रिल) रोजी हिंजवडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी संदीप हे काळेवाडी येथून हिंजवडीतील त्यांच्या कंपनीत कामावर जात होते. लक्ष्मी चौक सिग्नलला ते थांबले असता, आरोपी देव आरोरा हा त्यांच्या गाडीवर येऊन बसला आणि गाडीवरून उतरण्यास नकार दिला. त्याने पैशांच्या जुन्या कारणावरून वाद घालून स्वतःच्या चावीने संदीप यांच्या डाव्या डोळ्याच्या बाजूला मारून त्यांना जखमी केले आणि शिवीगाळ करून पळून गेला. या घटनेचा तपास पोलीस उपनिरीक्षक कांदे करीत आहेत.
