मुंबई(mumbai) : विनोदी कलाकार समय रैना आणि ’12th Fail’ चित्रपटातून प्रसिद्धी मिळालेली अभिनेत्री मेधा शंकर यांच्या डेटिंगच्या चर्चांना पुन्हा एकदा उधाण आले आहे. नुकतेच दोघे एका सार्वजनिक ठिकाणी एकत्र दिसल्याने सोशल मीडियावर त्यांच्या नात्याबाबत नव्या चर्चा सुरू झाल्या आहेत.
यापूर्वीही समय आणि मेधा अनेकदा एकत्र दिसले होते. तसेच सोशल मीडियावरील त्यांच्या परस्पर संवादांमुळे चाहत्यांमध्ये दोघे रिलेशनशिपमध्ये असल्याच्या चर्चांना वारंवार हवा मिळाली आहे. त्यांच्या अलीकडील सार्वजनिक उपस्थितीनंतर या चर्चांनी पुन्हा जोर धरला आहे.
मात्र, या सर्व चर्चांवर समय रैना किंवा मेधा शंकर यांनी अद्याप कोणतीही अधिकृत प्रतिक्रिया दिलेली नाही. त्यामुळे हे केवळ अफवा आहेत की दोघांमध्ये मैत्रीपेक्षा अधिक काही आहे, याबाबत कोणतीही पुष्टी झालेली नाही.
दरम्यान, सोशल मीडियावर चाहत्यांकडून दोघांच्या नात्याबाबत विविध तर्क-वितर्क लावले जात असून, त्यांच्या अधिकृत भूमिकेकडे सर्वांचे लक्ष लागले आहे.
