शाळा सुरू होताच ‘फ्लाइंग स्कॉड’ धडकणार
पिंपरी-चिंचवड :
नवे शैक्षणिक वर्ष लवकरच सुरू होत आहे. या पार्श्वभूमीवर, विद्यार्थ्यांचा प्रवास सुरक्षित आणि सुकर व्हावा यासाठी पिंपरी-चिंचवड प्रादेशिक परिवहन कार्यालयाने (RTO) कंबर कसली आहे. विद्यार्थ्यांची वाहतूक करणाऱ्या सर्व शालेय बस (School Buses) आणि स्कूल व्हॅन (School Vans) मालक-चालकांनी आपल्या वाहनांची सर्व आवश्यक कागदपत्रे तातडीने वैध (Valid) आणि अद्ययावत करून घ्यावीत, असे आवाहन आरटीओ प्रशासनाने केले आहे.
शाळा सुरू होताच स्कूल बस आणि व्हॅनची तपासणी करण्यासाठी आरटीओची विशेष वायुवेग पथके (Flying Squads) रस्त्यावर कार्यरत राहतील. तपासणीदरम्यान कागदपत्रे अपूर्ण आढळल्यास किंवा कायदेशीर नियमांचे उल्लंघन झाल्यास प्रशासकीय नियमांनुसार कठोर कारवाई करण्यात येईल, असा इशाराही देण्यात आला आहे.
१. अनिवार्य कागदपत्रे (RTO Documents)
शालेय बस आणि व्हॅन चालकांनी खालील कागदपत्रे वेळेत पूर्ण करणे बंधनकारक आहे:
स्कूल परमिट (School Permit): आरटीओकडून मंजूर असलेला वैध शालेय वाहतूक परवाना.
फिटनेस प्रमाणपत्र (Fitness Certificate): वाहनाच्या तांत्रिक आणि यांत्रिक योग्यतेचे आरटीओचे प्रमाणपत्र.
वाहन विमा (Vehicle Insurance): अपघाती संरक्षणासाठी वैध इन्शुरन्स पॉलिसी.
पीयूसी प्रमाणपत्र (PUC Certificate): वैध प्रदूषण नियंत्रण प्रमाणपत्र.
नोंदणी प्रमाणपत्र (RC Book): वाहनाचे अधिकृत आणि अद्ययावत नोंदणी पुस्तक.
कर पावती (Tax Receipt): आरटीओचा भरलेला व्यावसायिक वाहन कर.
चालकाचा परवाना व बिल्ला (Driving License & Badge): चालकाकडे जड वाहन चालवण्याचा वैध परवाना (Transport License) आणि आरटीओचा बिल्ला असणे आवश्यक.
२. सुरक्षेचे कडक नियम: ‘या’ गोष्टींची पूर्तता हवीच!
विद्यार्थ्यांच्या सुरक्षेसाठी वाहनांमध्ये खालील बाबींची पूर्तता करणे अनिवार्य आहे:
स्पष्ट ओळख: प्रत्येक शालेय वाहनावर ‘स्कूल बस’ (School Bus) असे ठळकपणे लिहिलेले असावे.
सुरक्षा यंत्रणा: वाहनामध्ये चालू स्थितीतील अग्निशामक यंत्र (Fire Extinguisher) आणि प्रथमोपचार पेटी (First Aid Box) असणे सक्तीचे आहे.
वेग मर्यादा: वाहनात वेग मर्यादित ठेवणारे ‘स्पीड गव्हर्नर’ (Speed Governor) यंत्र असणे आवश्यक आहे.
महिला अटेंडंट: शालेय विद्यार्थिनींच्या सुरक्षेसाठी बसमध्ये महिला अटेंडंट (Lady Attendant) असणे आवश्यक आहे.
चारित्र्य पडताळणी: स्कूल बस किंवा व्हॅन चालकांची पोलिसांकडून चारित्र्य पडताळणी (Police Verification) केलेली असावी.
प्रशासनाचे आवाहन: “विद्यार्थ्यांचा प्रवास सुरक्षित व्हावा आणि कोणतीही ऐनवेळची अडचण टाळता यावी, यासाठी सर्व शाळा प्रशासन, वाहतूकदार आणि वाहन चालकांनी मुदतीपूर्वीच आपल्या कागदप्रत्रांचे नूतनीकरण (Renewal) करून प्रशासनाला सहकार्य करावे.”
— उप प्रादेशिक परिवहन अधिकारी, पिंपरी-चिंचवड, पुणे.
