तडीपारीच्या आदेशाचे उल्लंघन करून पिंपरी चिंचवड शहरात प्रवेश करणाऱ्या आणि बेकायदेशीरपणे शस्त्र बाळगणाऱ्या एका तरुणाला पोलिसांनी अटक केली आहे. ही कारवाई मंगळवारी (१४ एप्रिल) पहाटे एक वाजण्याच्या सुमारास संत तुकारामनगर येथील एच. ए. मैदानाजवळ घडली.
या प्रकरणी पोलीस कॉन्स्टेबल जावेद मुजावर यांनी संत तुकारामनगर पोलीस ठाण्यात फिर्याद दिली आहे. पवन सचिन ससाणे (२१, गांधीनगर, पिंपरी) असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, आरोपीला ऑक्टोबर २०२५ मध्ये दोन वर्षांसाठी शहरातून तडीपार करण्यात आले होते. मात्र, प्रशासनाची कोणतीही परवानगी न घेता त्याने शहरात प्रवेश केला. त्याच्याकडे ४०० रुपये किमतीचा धारदार लोखंडी कोयता मिळून आला असून तो एखादा गंभीर गुन्हा करण्याच्या उद्देशाने थांबला असल्याचे निष्पन्न झाले आहे. संत तुकारामनगर पोलीस तपास करत आहेत.
