पिंपरी, दि. १८ (प्रतिनिधी) – पिंपरी चिंचवड पोलीस आयुक्तालय क्षेत्रात घातक शस्त्रे बाळगण्यास बंदी असतानाही बेकायदेशीरपणे देशी बनावटीचे पिस्तूल बाळगणाऱ्या एका अल्पवयीन मुलावर गुन्हा दाखल करण्यात आला आहे. ही कारवई शुक्रवारी दुपारी पावणे दोन वाजताच्या सुमारास मोरवाडी, पिंपरी येथे करण्यात आली.
गुन्हे शाखेच्या अंमली पदार्थ विरोधी पथकातील पोलीस अंमलदार रणधीर रमेश माने यांनी शुक्रवारी (दि. १७ एप्रिल) रोजी संत तुकाराम नगर पोलीस ठाण्यात फिर्याद दिली आहे. पोलिसांनी एका १७ वर्षीय अल्पवयीन मुलाच्या विरोधात गुन्हा दाखल केलाआहे. पोलिसांनी दिलेल्या माहितीनुसार, मोरवाडी, पिंपरी येथील सेमेन्तु ॲटोमोटिव्ह प्रा. लि. या कंपरीच्या बाहेर एका १७ वर्षीय अल्पवयीन मुलाकडे पिस्तुल असल्याची माहिती पोलिसांना मिळाली. त्यानुसार पोलिसांनी सापळा लावून त्यास ताब्यात घेतले. त्याची झडती घेतली असता त्याच्याकडून ५० हजार रुपये किमतीचे मॅगझीनसह पिस्तूल जप्त करण्यात आले आहे. पोलीस हवालदार कर्पे याबाबत अधिक तपास करीत आहेत.
