पिंपरी, दि. २७ (प्रतिनिधी) – हिंजवडी पोलीस ठाण्याच्या हद्दीत पहाटेच्या वेळी विनापरवाना व मुदतीपेक्षा जास्त वेळ उघडे ठेवून दारू-खाद्यपदार्थ विकणाऱ्या २ बार चालकांवर गुन्हा दाखल करण्यात आला आहे. ही कारवाई रविवारी रात्री करण्यात आली आहे.
या कारवाईत ए१ लॉज अँड बार (विप्रो सर्कल, हिंजवडी) आणि इको क्लब अँड बार (द सोशल स्ट्रीट, हिंजवडी) या आस्थापनांवर महाराष्ट्र पोलीस कायद्यांतर्गत खटला भरला आहे. मालमत्ता गुन्हे विरोधी पथकाने दिलेल्या माहितीनुसार, सहाय्यक पोलीस निरीक्षक बालवडकर व सहकाऱ्यांनी गस्त घालत असताना पहाटेच्या वेळी या नियमांचे उल्लंघन करणाऱ्या आस्थापनांवर कारवाई केली. हिंजवडी पोलीस अधिक तपास करत आहेत.
