पिंपरी, दि. 26 (प्रतिनिधी) – दापोडी येथे जुन्या पुणे-मुंबई हायवेवर पदपथावर बेकायदेशीरपणे विदेशी दारूची विक्री करणार्या एका महिलेवर पोलिसांनी गुन्हा दाखल केला. ही कारवाई 25 जुलै रोजी दुपारी 3.30 वाजण्याच्या सुमारास सीएमई गेटसमोर करण्यात आली.
हेमा विजय सोनवणे (वय 36, रा. लिंबोरे वस्ती, जुना हायवे, दापोडी) हिच्यावर गुन्हा दाखल करण्यात आला आहे. पोलीस शिपाही नितीन सुरेश संकुनहट्टे यांनी फिर्याद दिली आहे. पोलिसांनी दिलेल्या माहितीनुसार, महिला आरोपी दापोडी येथील जायका बिर्याणीसमोर सार्वजनिक फूटपाथवर पाच हजार 760 रुपये किमतीची विदेशी कंपनीची दारू अवैध रीतीने जवळ बाळगून विक्री करत असताना पकडली गेली.पुढील तपास दापोडी पोलीस करत आहेत.
