विषारी दारू प्रकरणाची प्रशासनाकडून गंभीर दखल आतापर्यंत पोलिसांसह उत्पादन शुल्क विभागातील 22 जणांवर निलंबनाची कारवाई
पुणे आणि पिंपरी चिंचवडमध्ये खळबळ उडवणाऱ्या विषारी दारू प्रकरणाची आता प्रशासनाने गंभीर दखल घेतली असून, कर्तव्यात कसूर करून 16 जणांच्या मृत्यूस कारणीभूत ठरलेल्या पोलिस आणि उत्पादन शुल्क विभागातील 22 कर्मचारी आणि अधिकाऱ्यांना निलंबित करण्यात आले आहे.
विषारी दारूचे सेवन करून पिंपरी चिंचवड आणि हडपसर येथे आत्तापर्यंत 16 जणांचा मृत्यू झाला असून चार जणांची प्रकृती चिंताजनक आहे या दुर्घटनेमुळे राज्यभरात संतापाची लाट उसळली असून, पोलिसांवर निष्काळजीपणे कर्तव्यात कसूर केल्याचा तसेच अवैध दारू विक्रीवर नियंत्रण ठेवण्यात अपयश आल्याचा ठपका संबंधित अधिकाऱ्यांवर ठेवण्यात आला आहे. तर प्रशासनाच्या कार्यपद्धतीवरही प्रश्नचिन्ह उपस्थित केले जात आहे
पुणे पोलिस आयुक्त अमितेश कुमार आणि पिंपरी चिंचवड पोलीस आयुक्त विनय कुमार चौबे यांनी संयुक्त पुणे कारवाई करून पुणे पोलिस दलातील
* वरिष्ठ पोलिस निरीक्षक -संजय मोगल
* सहाय्यक पोलिस निरीक्षक- हसीना शिकलगार
* पोलिस उप निरीक्षक,गुन्हे शोध पथक- हसन मुलाणी, यांच्यावर
* तर पिंपरी चिंचवड मधील
* वरिष्ठ पोलीस निरीक्षक- विजय वाघमारे
* फौजदार व तपास प्रमुख- राजू भास्कर
* पोलिस कर्मचारी- सागर जाधव
* पोलिस कर्मचारी- विशाल काळे
* पोलिस कर्मचारी- जयदीप सोनवणे
* पोलिस कर्मचारी- नवनाथ पोटे
यांना निलंबित करण्यात आले आहे दरम्यान प्रकरणाचे गांभीर्य लक्षात घेऊन उत्पादन शुल्क विभागानेही कठोर भूमिका घेत विभागातील 3 निरीक्षक,
6 दुय्यम निरीक्षक, आणि 4 कर्मचारी अशा एकूण 13 जणांवर निलंबनाची कारवाई केली आहे अवैध दारू अड्ड्यांवर वेळेत कारवाई न करणे, आणि कर्तव्यात करण्यात आलेली कसूर यामुळे हि कारवाई करण्यात आल्याचे सांगण्यात येत आहे
प्राथमिक तपासात, सेवन करण्यात आलेल्या दारू मध्ये अत्यंत घातक असलेले मिथेनॉल मिसळण्यात आल्याचे निष्पन्न झाले असून त्यामुळेच अनेकांना आपला जीव गमवावावा लागला असल्याची माहिती समोर येत आहे,
राज्याचे मुख्यमंत्री देवेंद्र फडणवीस यांनी हि या घटनेची गंभीर दखल घेतली असून संबंधित यंत्रणांना दोषींवर कठोर कारवाईचे आदेश दिले आहेत ” हि केवळ दुर्घटना नसून निष्पाप लोकांच्या जीवाशी खेळ करणारा गंभीर गुन्हा आहे, या प्रकरणाची मुळापर्यंत चौकशी करून अवैध दारू व्यवसायाची संपूर्ण साखळी उध्वस्त केली पाहिजे” असे आदेश त्यांनी दिले आहेत
ह्या प्रकरणाचा तपास आता गुन्हे शाखेकडे सोपण्यात आला असून विषारी दारूच्या पुरवठ्यामागे असलेले संपूर्ण अवैध जाळे उघड करण्या साठी तपास यंत्रणा आता कामाला लागल्या आहेत, तर याप्रकरणात पोलिसांनी मुख्य सूत्रधार योगेश वानखेडे उर्फ सिकंदर राठोड याच्यासह एकूण आठ जणांना आतापर्यंत ताब्यात घेतले असून त्यांची चौकशी सुरू आहे.
