अन्न व औषध प्रशासन विभागाचे आयुक्त तुकाराम मुंढे यांनी नाशिकमध्ये भेसळ आणि नियमभंगाविरोधात धडक कारवाई सुरू केली असून, विविध ठिकाणी छापे टाकत संबंधितांवर कारवाईचा बडगा उगारला आहे. या कारवायांमुळे प्रशासनात चांगलीच खळबळ उडाली आहे.
दरम्यान, राज्याचे अन्न व नागरी पुरवठा मंत्री नरहरी झिरवळ यांनीही आपल्या वाढदिवशी कार्यालयीन कार्यक्रमांऐवजी प्रत्यक्ष फिल्डवर जाऊन परिस्थितीची पाहणी केली. विभागाच्या कारवायांचा आढावा घेत त्यांनी अधिकाऱ्यांना नागरिकांच्या आरोग्याशी तडजोड करणाऱ्यांविरोधात कठोर पावले उचलण्याच्या सूचना दिल्या.
मुंढे यांच्या आक्रमक कार्यपद्धतीमुळे अन्न व औषध प्रशासन विभागाच्या कारवायांची राज्यभर चर्चा रंगली असून, भेसळखोर आणि नियमभंग करणाऱ्यांमध्ये धास्ती निर्माण झाली आहे.
