अहमदनगर : केंद्रीय शिक्षणमंत्री धर्मेंद्र प्रधान यांच्या राजीनाम्यानंतर आणि ‘कॉकरोच जनता पार्टी’ने आंदोलन मागे घेतल्यानंतर ज्येष्ठ समाजसेवक अण्णा हजारे यांनी प्रतिक्रिया व्यक्त केली आहे. कोणतीही समस्या संवादातूनच सुटते आणि तणावाऐवजी चर्चेच्या माध्यमातूनच कायमस्वरूपी मार्ग निघतो, असे त्यांनी म्हटले.
अण्णा हजारे म्हणाले, “कोणतीही समस्या संवादातूनच सुटते. संवादातूनच उपाय सापडतात. तणाव निर्माण करून किंवा चुकीचा मार्ग अवलंबून काहीही साध्य होणार नाही. संवाद ही सर्वात महत्त्वाची गोष्ट आहे.”
नीट (NEET) पेपरफुटी प्रकरणाच्या पार्श्वभूमीवर गेल्या अनेक दिवसांपासून देशभरात विद्यार्थी आंदोलन सुरू होते. केंद्रीय शिक्षणमंत्री धर्मेंद्र प्रधान यांच्या राजीनाम्यानंतर ‘कॉकरोच जनता पार्टी’ने आंदोलन मागे घेण्याची घोषणा केली. या घडामोडींना आंदोलनाचे महत्त्वपूर्ण यश मानले जात असून, त्यावर अण्णा हजारे यांनी संवादाच्या माध्यमातून प्रश्न सोडवण्यावर भर देत आपली भूमिका स्पष्ट केली.
